குத்துச்சண்டை வீராங்கனையாக மாறினார் த்ரிஷா

நடிகை த்ரிஷா, சிறந்த குத்துச்சண்டை வீராங்கனை என்று பூலோகம் படத்தின் இயக்குனர் கல்யாண் கிருஷ்ணன் கூறியுள்ளார்.

கல்யாண கிருஷ்ணன் இயக்கத்தில் ஜெயம் ரவி, த்ரிஷா ஜோடியாக நடித்துக்கொண்டிருக்கும் திரைப்படம் பூலோகம். இந்த திரைப்படத்தில் த்ரிஷாவின் நடிப்பைப் பார்த்து வியந்து போன இயக்குநர் கல்யாண கிருஷ்ணன் 'லேடி பாக்ஸர்' (குத்துச்சண்டை வீராங்கனை) என்று பெயர் சூட்டியுள்ளார். இதை பத்திரிக்கையாளர் சந்திப்பில் நடிகை த்ரிஷாவே கூறியுள்ளார். சம்திங் சம்திங் உனக்கும் எனக்கும் திரைப்படத்திற்குப் பிறகு ஜெயம் ரவி, த்ரிஷா இணையும் திரைப்படம் பூலோகம். இதில் ஜெயம் ரவி குத்துச்சண்டை வீரராக நடிக்கிறார். கதாநாயகி த்ரிஷாவிற்கு வலுவான கதாபாத்திரமாம். இதுகுறித்து பத்திரிக்கையாளர்களிடம் த்ரிஷா கூறியுள்ளதாவது, பூலோகத்தில் ஜெயம் ரவி குத்துச்சண்டை வீரராக நடிக்கிறார். இத்திரைப்படத்தில் என்னுடைய கதாபாத்திரம் மிகவும் வலுவானது. ஜெயம் ரவியின் வெற்றிக்கு உறுதுணையாக இருக்கும் பெண்ணாக இந்த திரைப்படத்தில் நடிக்கிறேன். இந்த திரைப்படத்தில் ஜெயம் ரவியின் கதாபாத்திரத்துக்கு பலமே நான் தான் என்று கூறியுள்ளார். ஒஸ்கார் ரவிச்சந்திரன் தயாரிப்பில் சென்னை மற்றும் புறநகர் பகுதிகளில் விறுவிறுப்பாக படப்பிடிப்புகள் நடைபெற்று வரும் பூலோகம் திரைப்படத்தை நவம்பர் 15ஆம் திகதி வெளியிட திட்டமிடப்பட்டுள்ளதாக தெரிவிக்கப்படுகின்றது.

அழகாக மாற டென்சனை குறைங்க..

 மனிதர்களில் இரண்டு ரகம் உள்ளது. எப்பொழுது பார்த்தாலும் சிரித்த முகத்துடன் எதையும் டேக் ஈசியாக எடுத்துக்கொள்பவர்கள் ஒரு ரகம். எதற்கெடுத்தாலும் டென்சன் ஆகி கத்தித் தீர்ப்பவர்கள் ஒரு ரகம். டேக் இட் ஈசி ரக ஆட்கள் என்றைக்கும் ஒரே மாதிரி இருப்பார்கள். அவர்களின் அழகு என்றைக்குமே மாறாது. உடல்நலத்திற்கும் எந்த தீங்கும் ஏற்படாது.

காரணம் அவர்கள் எதைப்பற்றியும் கவலைப்படாமல் எப்போதும் சந்தோஷத்துடன் இருப்பதுதான். ஆனால் இரண்டாவது ரகமான டென்சன் பார்ட்டிகள் அழுது வடிந்து கொண்டு, வயதான தோற்றத்திற்கு தள்ளப்பட்டு விடுவார்கள். நோயும் எளிதில் தாக்கத் தொடங்கிவிடும். அதற்குக் காரணம் அவர்களின் டென்சன்தான் என்று ஆய்வு ஒன்றில் தெரிவித்துள்ளனர்.

இயற்கை அழகு யாருக்கு 

இயற்கையான அழகு யாருக்கு கிடைக்கும்? என்கிற கோணத்தில் அமெரிக்க ஆராய்ச்சியாளர்கள் ஒரு ஆய்வை மேற்கொண்டார்கள். 500க்கும் மேற்பட்ட இளம் ஆண்கள் மற்றும் பெண்கள் இந்த ஆய்வுக்கு உட்படுத்தப்பட்டனர். அவர்களிடம், தினமும் அவர்கள் மேற்கொள்ளும் செயல்களில் இருந்து கேள்விகள் கேட்கப்பட்டன.

 

ஆய்வின் முடிவில் அடிக்கடி டென்ஷனாக இருப்பவர்களைக் காட்டிலும் டென்ஷன் ஆகாமல் எதையும் டேக் இட் ஈஸியாக எடுத்துக்கொண்டு சந்தோஷமாக வாழ்பவர்கள் `ப்ரெஷ்” ஆகவும், அழகாகவும் இருப்பது கண்டுபிடிக்கப்பட்டது.

அழகிற்கும் மனதிற்கும் தொடர்பு

அழகுக்கும் மனதிற்கும் நிறையவே தொடர்பு இருக்கிறது. அந்த மனதை இயற்கையாக அதாவது, டென்ஷன் இன்றி வைத்துக்கொண்டால் முகமும் அழகாக இருக்கும்; உடலும் ஆரோக்கியமாக இருக்கும்” என்று ஆய்வாளர்கள் தெரிவித்துள்ளனர். அதனால் மனதை அமைதியாக வைத்துக் கொண்டு முதுமை நம்மை அண்டாது விரட்டி விடுவோம்.

என்ன டென்சன் பார்ட்டிகளே நடப்பது நடந்துதான் தீரும் அதை மனதில் எடுத்துக்கொள்லாமல் சந்தோஷமாக இருங்கள். ஆதலால் உங்கள் டென்சனை தூக்கிப்போடுங்கள் அழகும் இளமையும் உங்களை நாடி வரும்.

ஆண்மை குறைபாடு

சிகரட் புகைப்பவர்களுக்கு பாலியல் பலவீனம் ஏற்படும்.

தொடரும் கொலைவெறி...பாரட்டுக்கள் தனுஷுக்கு மட்டுமா ???

இனி உருவாகும் படங்களில் அரசின் கடுமையான விதிமுறைகள்

 திரைப்படங்களில் புகைப்பிடிக்கும் காட்சிகளைக் கட்டுப்படுத்த, மத்திய அரசு பல புதிய விதிகளை அறிவித்தது. ஆனால், இந்த விதிகளை, திரைத்துறையினர் யாரும் மதிப்பதில்லை. அண்மையில் வெளிவந்த படங்களில் கூட, புகைப்பிடிக்கும் காட்சிகள் இடம் பெற்றுள்ளன.

திரைப்படங்களில், சிகரெட் பிடிப்பது போன்ற காட்சிகள் இடம் பெறுவதற்கு தடை விதிக்கப்பட்டு, சட்டம் இயற்றப்பட்டது. இதற்கு, திரைத் துறையினர் கடும் எதிர்ப்பு தெரிவித்தனர். இந்த சட்டத்தை எதிர்த்து, கோர்ட்டில் வழக்கு தொடரப்பட்டது.

கடைப்பிடிப்பதில்லை : இதையடுத்து, இதுபோன்ற காட்சிகளைக் கட்டுப்படுத்த, சில திருத்தங்களுடன், புதிய விதிகள் அறிவிக்கப்பட்டு, நவம்பர் 14ம் தேதி முதல் அமலுக்கு வந்தது. ஆனால், திரைத் துறையினரும், சின்ன திரையினரும், இந்த விதிகளை மதிப்பதில்லை என, புகார் எழுந்துள்ளது. தணிக்கைத் துறையினரும், இந்த விதிகளை கடுமையாக அமல்படுத்துவதில்லை எனத் தெரிய வந்துள்ளது. இதுகுறித்து, தமிழ்நாடு புகையிலை கட்டுப்பாடு மைய அதிகாரிகள் கூறுகையில், "" ஜனவரியில் இருந்து வெளிவரும் படங்களில், இந்த விதிகளை கடுமையாக அமல்படுத்துவதாக, தணிக்கை அதிகாரிகள் உறுதி அளித்துள்ளனர், என்றனர்.

உறுதிமொழி : இதுகுறித்து, திரைப்பட இயக்குனர் தங்கர்பச்சான் கூறியதாவது: ஒரு படைப்பாளி என்ற வகையில், திரைப்படங்கள் இயல்பாக இருக்க வேண்டும் என்பதை ஏற்றுக் கொள்கிறேன். ஆனால், திரைத்துறை ஊடகம், மிகவும் சக்தி வாய்ந்தது. சமூகத்தை சீரழிக்கும் எந்த விஷயத்தையும் அதில் அனுமதிக்கக் கூடாது. சிகரெட், மது மட்டுமின்றி, குளிர்பானங்களை குடிப்பது போன்ற காட்சிகளையும், திரைப்படங்களில் தவிர்க்க வேண்டும். இயக்குனர்கள் மட்டுமல்லாது, நடிகர்களும், இத்தகைய உறுதிமொழியை எடுக்க வேண்டும். இவ்வாறு அவர் கூறினார்.

இயக்குனர் சிம்புதேவன் கூறும்போது, ""சினிமாவில், எத்தனையோ விஷயங்களில் சமரசம் செய்து கொள்வோம். எனவே, சிகரெட் பிடிப்பது போன்ற காட்சிகள் கதையில் வந்தாலும், அதை கண்டிப்பாக தவிர்க்க வேண்டும் என்பதில், நான் முழுமையாக உடன்படுகிறேன், என்றார்.

புதிய விதிகள் : புகை பிடிக்கும் நடிகர், புகையிலைப் பொருட்களால் ஏற்படும் தீமைகளை விளக்கி சொல்லும் காட்சிகள், படத்தின் தொடக்கத்திலும், இடையிலும் இரண்டு முறை, தலா இருபது வினாடிகளுக்கு குறையாமல் இடம் பெற வேண்டும்.

புகைப்பிடிக்கும் காட்சியோ, புகையிலைப் பொருளோ இடம் பெறும் போது, புகையிலைக்கு எதிரான எச்சரிக்கை வாசகத்தை, வெள்ளை பின்னணியில், கறுப்பு எழுத்தில், அந்தந்த மொழியில் தெளிவாக ஓடவிட வேண்டும்.

திரைப்பட விளம்பரங்கள், சுவரொட்டிகள், பதாகைகள் போன்ற எதிலும், புகை பிடிக்கும் காட்சி, புகையிலைப் பொருள் சின்னம் எதுவும் இடம் பெறக் கூடாது.

அடிடா அவனை .. உதடா அவனை ....# ஐஸ்வர்யாவின் கொல வெறி

உகந்த 10 கட்டளைகள்

தபால்மூலம் தொடர்புகளை வைத்துக்கொள்ளும் காலம் மாறி,  தற்போது மின்னஞ்சல்,  ஸ்கைப்,  பேஸ்புக் போன்றவற்றில் உடனுக்குடன் தொடர்புகளை ஏற்படுத்திக்கொள்ளும் காலம் வந்துவிட்டது. கடல் கடந்து வாழும் உறவினர்களுடன் எப்படி தொடர்பை ஏற்படுத்தலாம் என்ற கவலை இனி எழத்தேவையில்லை.

பேஸ்புக் பற்றி தெரியாத இளம் தலைமுறையினர் இருப்பதற்கு வாய்ப்புகள் குறைவு என்றே கூறவேண்டும். சமூக இணைப்பு வலைத்தளங்களாக பேஸ்புக் போன்றவை இயங்கிக்கொண்டிருக்கின்றன. காலம் கடந்தப்பின்னும் பழைய நண்பர்களை , உறவுகளை நினைவில் வைத்துக்கொள்ளவதற்கு பேஸ்புக் உதவிபுரிகின்றது.

' பேஸ்புக்' இல் நன்மைகள் அதிகமாக இருந்தாலும் அதனது பாவனையாளர்கள் சிலர் அதனை முறைக்கேடான வகையில் பயன்படுத்துகின்றார்கள். அண்மையில் கூட காதலியின் நிர்வாணப் படத்தை பேஸ்புக்கில் வெளியிட்ட காதலன் என்ற செய்தி அனைவரையும் ஆச்சர்யத்தில் தள்ளியது.

இது அந்தப் பெண்ணுக்குத் தெரியாமல் நடந்தது. ஆனால் தாம் பதிவேற்றம் செய்யும் விபரங்கள்,  மோசடிகளுக்கு பயன்படுத்தப்படலாம் என்பதும், புகைப்படங்கள் போன்றவை வேறு இணையத்தளங்களில் - ஆபாச இணையத்தளங்கள் உட்பட- துஷ்பிரயோகம் செய்யப்படலாம் என்பதையும் பலர் உணர்வதில்லை.

இவ்வாறான முறைக்கேடான விடயங்கள் பேஸ்புக்கில் தற்போது அரங்கேறிவருகின்றன. எனவே இவ்வாறான ஆபத்தான சந்தர்ப்பங்களை எதிர்நோக்குவதற்கு பதிலாக பேஸ்புக் பாவனையாளர்கள் சற்று நிதானத்துடன் தங்களது விபரங்களை பதிவு செய்வது நன்மையானது.

பேஸ்புக்கில் பின்பற்றுவதற்கு உகந்த 10 கட்டளைகள்:

நண்பர்கள் மாத்திரம் :
 பேஸ் புக்கில் உங்கள் விபரங்களை அனைவரும் பார்க்கக்கூடியதாகவோ அல்லது நீங்கள் தெரிவு செய்த நண்பர்கள் மாத்திரம் பார்கக்கூடியதாகவே ஒழுங்கமைத்துக்கொள்ள வசதியுண்டு. இவற்றை எதை தெரிவு செய்ய வேண்டுமென தீர்மானியுங்கள். பொதுவாக இரண்டாவதை தெரிவு செய்வது பாதுகாப்பானது.


பிறந்த திகதி மற்றும் பிறந்த இடம்:
பல இணையத்தளங்களில் தங்களது கடவுச்சொல்லை  (பாஸ்வேர்ட்) மாற்ற வேண்டிய தருணங்களில் பாதுகாப்புக் கேள்வியாக பிறந்த திகதி,  பிறந்த இடம் என்பவை கேட்கப்படுகின்றன. இவற்றை நீங்கள் பேஸ்புக்கில் வெளியிடும்போது, சமூக விரோதிகள் அவற்றை பயன்படுத்தக் கூடிய நிலையேற்படலாம்.

அடையாள அட்டை இலக்கம், தாயாரின் கன்னிப்பெயர்:
 பெரும்பாலான நிறுவனங்கள், இணையத்தளங்கள்  நீங்கள் யார் என்பதை உறுதிப்படுத்திக்கொள்வதற்கு தாயாரின் கன்னிப்பெயர், தேசிய அடையாள  அட்டை இலக்கம் போன்றவற்றை கேட்பது வழக்கம்.  எனவே அந்த இலக்கத்தை அனைவருக்கும் பகிரங்கமாக்குவது மோசடிப்பேர்வழிகள் பயன்படுத்திக்கொள்வதற்கு வழியேற்படுத்தலாம்.


சொந்த முகவரி, குறுக்கு வழிப்பாதைகள்:
இது மிகவும் முக்கியமான விடயமாகும். சொந்த முகவரியை நீங்கள் பதியும் இடத்து நபர்களின் அடையாள விபரங்களை திருடுபவர்களிடமிருந்து மாத்திரமல்லாமல்,  கொள்ளையர்கள்,  பின்தொடர்ந்து வந்து தொல்லை கொடுப்பவர்கள் ஆகியோரிடமிருந்தும் ஆபத்தை எதிர்நோக்க நேரிடலாம்.
வீட்டிற்கான குறுக்குவழிகளை சொல்வது,  நீங்கள் திருடர்களுக்கு வீட்டிற்கு வருவதற்கான குறுக்கு வழிகளை சொல்லிக்கொடுப்பதாக அமையும்.


விடுமுறைகள் :- 

விடுமுறை தினங்களில் நீங்கள் வெளியிடங்களுக்கு செல்லப்போவதை பேஸ்புக்கில் பதிவு செய்யும்போது அது திருடர்களுக்கு நீங்கள் விடும் அழைப்பாக அமைந்துவிடுகிறது. அதாவது 'நான் இந்த தினத்தில் வீட்டில் இருக்கமாட்டேன். நீங்கள் வந்து திருடிவிட்டு செல்லுங்கள்' என்று அழைப்பு விடுவதாக அமைந்துவிடும்.


பொருத்தமற்ற படங்கள்:- 

இதில் மிக மிக கவனமாக இருக்கவேண்டும். அதிகமாக பேஸ்புக் பாவனையாளர்கள் சவாலுக்குட்படுத்தப்படுவது இந்த புகைப்பட விடயங்களில்தான். சிலர் புகைப்படங்களை பதிவு செய்ய வேண்டும் என்பதற்காக எல்லா வகையான படங்களையும் பதிவேற்றம் செய்துவிடுவார்கள். பொதுவாக பெண்களது படங்களை சமூகவிரோதிகள் எடுத்து அதை இழிவுக்குட்படுத்திவிடலாம். இது பெண்களின் எதிர்கால வாழ்க்கையை கேள்விக்குறியாக்கிவிடுகின்றது.

வேடிக்கை என்ற பெயரில் அலங்கோலமான, அநாகரீகமான புகைப்படங்களை பதிவேற்றாதீர்கள்.

உங்கள் மேலதிகாரிகள், நீங்கள் வேலைவாய்ப்புக்கு விண்ணப்பிக்ககூடிய நிறுவனங்களின் அதிகாரிகளும் இப்படங்களை பார்க்கக்கூடும்  என்பதை மறந்துவிட வேண்டாம். எனவே படங்களை பதிவு செய்யும் போது அதில் கவனம் தேவை.

குற்றங்களை ஒப்புக்கொள்ளல் :

நீங்கள் வேலைத்தளங்களில் செய்த பிழைகள்,  உதாசீனங்கள்,  நீங்கள் யாருடன் படுத்துறங்கினீர்கள், போன்ற விபரங்களை இணையத்தளங்களில் வெளியிடுவது உங்களை பணிநீக்கம் செய்வதற்கு வழிவகுப்பதுடன் வாழ்க்கை முழுவதும் வருந்தும் நிலையை ஏற்படுத்திவிடலாம்.  பின்பு பொழுதுப்போக்கிற்காக உங்களிடம் மோசமான தொடர்பை ஏற்படுத்திக்கொள்ளவும் அழைப்புகள் விடுக்கப்படலாம்.

தொலைபேசி இலக்கங்கள்: 

இது நேர நெருக்கடியிலும் கூட உங்களுக்கு தேவையில்லாத அழைப்புகளை ஏற்படுத்தி தொந்தரவு செய்வதற்கு வழிவகுக்கும். நீங்கள் தொலைபேசி மூலம் ஏதேனும் பொருட்களை விற்பதற்கோ சேவைகளை வழங்குவதற்கோ நோக்கம் கொண்டவராக அல்லது பெரும் எண்ணிக்கையான தொலைபேசி அழைப்புகளுக்கு பதிலளிக்க தயாராக இருந்தால் தவிர,  தொலைபேசி இலக்கங்களை  பேஸ்புக்கில் வெளியிடாதீர்கள்.


 பிள்ளைகளின் பெயர்கள் :

பிள்ளைகளின் பெயர்கள், அவர்களது புகைப்படங்கள் என்பவற்றை பதிவு செய்யப்படுவது மோசடியாளர்கள், துஷ்பிரயோகதாரிகளுக்கு வாய்ப்பாக அமைந்துவிடும். பெரியவர்களாவது தமது அடையாள விபரங்கள் திருடப்பட்டுள்ளதை எப்போதாவது கண்டறிந்துவிடுவர். ஆனால், சிறுவர்கள் இவற்றை கண்டறிவது கடினம். எனவே கவனம் தேவை.

 நண்பர்கள் தெரிவு:

பேஸ் புக்கில் அதிக 'நண்பர்களை' கொண்டிருப்பதை சிலர் பெருமையாகக் கருதுகின்றனர். ஆனால் அவர்களில் பெரும்பாலானோர் ஒரு சிலருடன் மாத்திரமே தொடர்பில் இருப்பர். உங்களுக்கு ஏதேனும் பிரசாரங்கள், விளம்பரம் போன்றவற்றுக்கு பேஸ் புக்கை பயன்படுத்தும் நோக்கமில்லை எனில் யாரை 'பேஸ் புக்' நண்பர்களாக தெரிவு செய்வது, ஏற்றுக்கொள்வது என்பதில் கவனமாக இருப்பது நல்லது. கிரிமினல்கள்,  மோசடியாளர்கள் எல்லாம் உங்கள் நண்பர்களாக இருக்க வேண்டுமா என்ன? கூடா நட்பை ஒதுக்கிவிட வேண்டும் என்பது பேஸ் புக்கிற்கும் பொருந்தும்.

உரசிக்கொள்ளும் இருவரும் ஒன்றிணைவார்களா?

கமலுக்கும்கே.எஸ்.ரவிக்குமாருக்கும் மன்மதன் அம்பு படத்தின் போது உரசல் ஏற்பட்டதால் தான் ரஜினியிடம் போனார் கே.எஸ்.ரவிக்குமார் என்று அப்போது பரபரப்பாக கோலிவுட் வட்டாரத்தில் பேசப்பட்டது.

அவ்வைசண்முகி, தெனாலி, பஞ்சதந்திரம், தசாவதாரம் என்று நான்கு வெற்றி படங்களை கொடுத்துள்ளது இவர்கள் கூட்டணி. கமல் எழுதி நடித்த மன்மதன் அம்பு படத்தையும் இயக்கியவர் கே.எஸ்.ரவிக்குமார் தான். தமிழ் சினிமாவில் வெற்றி கூட்டணியாக திகழ்ந்த இவர்கள் இணையும் ஐந்தாவது படமாக மன்மதன் அம்பு அமைந்தது. படம் படுதோல்வி அடைந்ததில் படத்தின் தயாரிப்பாளர் உட்பட படத்தின் யுனிட் அனைவரும் டென்ஷனில் இருந்தனர்.

மன்மதன் அம்பு படத்தின் தோல்வியைப் பற்றி கே.எஸ்.ரவிகுமாரிடம் கேட்கும்போது, அது கமல் படம், என்னுடைய படம் இல்லை என்று தன் நட்பு வட்டாரத்தில் சொல்லி தப்பிக்க பார்த்தாராம். இதை அறிந்த கமல், இதற்கு முன்பு நான்கு படங்களில் இருவரும் பணியாற்றியுள்ளோம். அந்த படங்களின் வெற்றியின் போது, இது என்னுடைய வெற்றி இல்லை. கமல் படத்துக்கான வெற்றி தான் என்று அவர் சொல்லி இருக்கலாமே... என்று பதில் கொடுத்தாராம் கமல். இவை அனைத்தும் நடந்து முடிந்த கதை.

இயக்குனர் கே.எஸ்.ரவிகுமார் அடுத்த படத்தை கமல்ஹாசனை வைத்து இயக்குகிறார் என்பதே புதிய தகவல். கோச்சடையான் படப்பிடிப்பில் பிஸியாக இருக்கும் கே.எஸ்.ரவிகுமார், நிறுத்திவைக்கப்பட்டுள்ள ராணா படப்பிடிப்பு ஆகஸ்டு மாதம் துவங்கும் என அறிவித்துள்ளார்.

கமல்ஹாஸன் இயக்கி நடித்துக் கொண்டிருக்கும் விஸ்வரூபம் படத்தின் படப்பிடிப்பு வேகமாக நடந்து கொண்டிருக்கிறது. ராணா முடிந்த பிறகு கே.எஸ்.ரவிகுமார் - கமல்ஹாசன் இணையும் படத்தின் படப்பிடிப்பு துவங்கும் எனத் தெரிகிறது.

உலகில் நடக்கும் ஊழலுக்கு எதிரான இந்த படத்தின் கதையை படித்ததும் கமல்ஹாசன் படத்திற்கு ஒப்புக் கொண்டுள்ளாராம். ஆனால் இந்த படம் ஷங்கர் இயக்கத்தில் கமல் நடித்த இந்தியன் படத்தை தழுவியதாக இருக்கக் கூடாது என்று திட்டவட்டமாக கூறியுள்ளார் என்றும் சொல்லப்படுகிறது.

உரசிக்கொண்ட இருவரும் ஒன்றினைவார்களா? இணைந்தால் மகிழ்ச்சியே

நயன்தாரா நடித்தால் மட்டுமே, அந்தப்படத்தில் நானும் நடிப்பேன்

ஸ்ரீ ராமராஜ்யம் படத்தில் சீதையாக நடித்த நயன்தாராவுக்கு, மீண்டும் ஒரு படத்தில் சீதையாக நடிக்க அழைப்பு வந்திருக்கிறது. நயன்தாரா சீதையாக நடித்தால் மட்டுமே, அந்தப்படத்தில் நானும் நடிப்பேன் என்று ஒரு ஹீரோ அடம்பிடித்து வருகிறார்.விரைவில் பிரபு‌தேவாவை கரம்பிடிக்க இருக்கும் நயன்தாரா, தெலுங்கில் கடைசியாக நடித்த படம் ஸ்ரீ ராமராஜ்யம். ராமாயணத்தை மையப்படுத்தி எடுக்கப்பட்ட இப்படத்தில், பாலகிருஷ்ணாவுக்கு ஜோடியாக சீதை வேடத்தில் நடித்து இருந்தார் நயன்தாரா. சமீபத்தில் வெளியான இப்படம், ஓரளவுக்கு வெற்றி பெற்றது. அதிலும் குறிப்பாக நயன்தாராவின் சீதை கேரக்டர் ரொம்பவே பேசப்பட்டது. பலரும் அவரை கூப்பிட்டு பாராட்டியதாக நயன்தாராவே தெரிவித்து இருந்தார்.

இந்நிலையில் பிரபல டைரக்டர் ராம்கோபால் வர்மா, அடுத்து ராமாயணத்தை மையப்படுத்தி, ராவணன் என்ற பெயரில் ஒரு புராண படத்தை எடுக்க இருக்கிறார். இதில் ஹீரோவாக நாகர்ஜூனா நடிக்கிறார். இதில் மீண்டும் சீதை வேடத்தில் நடிக்க நயன்தாராவை அழைத்துள்ளனர். ஸ்ரீராமராஜ்யம் படத்தில் நயன்தாராவுக்கு, சீதை வேடம் கச்சிதமாக பொருந்தியதால் ராவணன் படத்திலும் அவரையே சீதை வேடத்துக்கு ஒப்பந்தம் செய்யுங்கள் என்று இயக்குநரை, நாகார்ஜூனா வலியுறுத்தி இருக்கிறார். மேலும் சீதையாக நயன்தாரா நடித்தால் தான், நான் நடிப்பேன் என்று கூறிவிட்டாராம் நாகர்ஜூனா. இதனால் நயன்தாராவின் கால்ஷீட்டுக்காக காத்திருக்கிறார்கள் சம்பந்தப்பட்ட படக்குழுவினர்.

ஏற்கனவே நயன்தாரா மீண்டும் படத்தில் நடிப்பேன் என்று சூசகமாக தெரிவித்து இருந்தார். அதுமட்டுமின்றி இந்தபடத்திலும் அவருடைய வேடம் சீதை என்பதால், நிச்சயமாக நயன்தாரா நடிப்பார் என்று தெலுங்கு வட்டாராத்தில் பரபரப்பாக பேசப்படுகிறது.

தனுஷ் பற்றி இன்னொரு ஆச்சர்யமான தகவல்

அடிக்கடி பாலிவுட் பக்கம் தென்படுகிறார் தனுஷ். ஏதோ அபிஷேக் பச்சன்,ஷாரூக்கான் போன்ற முன்னணி ஹீரோக்களிடம் கால்ஷீட் கேட்க போயிருக்கிறார் என்பது போல தமிழ்நாட்டில் பில்டப் கொடுத்துக் கொண்டிருக்கிறார்கள்.

தப்பான மெட்டு தவறிப் போய் ஹிட்டாவது மாதிரி, இந்த பில்டப்புக்கும் ஒரு வடிவம் கொடுத்துவிட்டார்கள் பத்திரிகைகளில். அதாவது, தனுஷ் அடிக்கடி பாலிவுட் பக்கம் செல்வது அவர் இயக்கப் போகும் முதல் படத்தின் ஹீரோவை தேடுவதற்காகதான் என்பது போல. உண்மையில் என்ன நடக்கிறது அங்கே?

ஏ.ஆர்.ரஹ்மானின் வந்தேமாதரம் பாடலுக்கு விஷுவல் அமைத்துக் கொடுத்த பரத்பாலா இயக்கத்தில் தனுஷ் நடிக்கவிருக்கிறாராம். முதலில் கமலிடம் கால்ஷீட் கேட்டிருந்த பரத்பாலா, கொய்யாக்காய் சிறுத்து சுண்டைக்காயானது போல தனுஷ் வரைக்கும் வந்துவிட்டார். அவரது அழைப்பை கர்ம சிரத்தையாக ஏற்றுக் கொண்ட தனுஷ், இந்த புதிய படத்தின் டிஸ்கஷனுக்காகதான் அவ்வப்போது பாலிவுட் பக்கம் போகிறாராம்.

தனுஷ் பற்றி இன்னொரு ஆச்சர்யமான தகவல். இவர் பாடிய வொய் திஸ் கொலவெறிடி உலகம் முழுக்க பாப்புலர் ஆகிவிட்டதல்லவா? பல்வேறு நாடுகளில் இருந்தும் இவரை பாட அழைக்கிறார்களாம். எந்த நாட்டிலிருந்து இவரை பாட அழைத்தாலும் ஓ.கே என்கிறாராம் தனுஷூம். ஆனால் ஒருமுறை பாட 25 லட்சம் சன்மானத்தை நிர்ணயித்துவிட்டார். இதற்காக முன்னாலேயே வாங்கியிருக்கும் அட்வான்சை கூட்டிக்கழித்து பார்த்தால் மூன்று பட சம்பளத்தை தாண்டும் என்கிறார்கள் இப்போதே.

ரஜினி - கமல் இணைந்து நடிக்கும் படத்தை ஷங்கர் இயக்க உள்ளார்

நீண்ட ஆண்டுகளுக்கு பிறகு ரஜினி - கமல் இணைந்து நடிக்கும் படத்தை ஷங்கர் இயக்க உள்ளார். சமீபத்தில் ஒரு விழாவில் பேசிய கமல், விரைவில் ரஜினியுடன் இணைந்து நடிப்பதாக சூசகமாக குறிப்பிட்டார்.

இதற்கிடையில் ரஜினி, கமல் இருவரும் இணைந்து நடிப்பதற்கான பொருத்தமான ஸ்கிரிப்ட் ஒன்றை இயக்குனர் ஷங்கர் எழுதியுள்ளாராம்.
அனேகமாக அப்படத்தில் ரஜினி, கமல் இணையலாம் என்று கோலிவுட்டில் பரபரப்பாக பேசப்படுகிறது. இதற்கான அறிவிப்பை ‘நண்பன்Õ பட ரிலீசுக்கு பிறகு ஷங்கர் வெளியிடுவார் என்று தெரிகிறது. இதற்கிடையில் ‘கோச்சடையான்Õ படத்தை மோஷன் கேப்சரிங் என்ற அனிமேஷன் தொழில்நுட்பத்தில் சவுந்தர்யா படமாக்குகிறார்.

இதற்கு 20 நாட்கள் மட்டுமே ரஜினியின் கால்ஷீட் தேவைப்படுகிறது. இதன் ஷூட்டிங் முடிந்த பிறகு ரஜினி - கமல் பட வேலையை ஷங்கர் தொடங்குவார் என்று கூறப்படுகிறது.

ஏற்கனவே கே.எஸ்.ரவிகுமார் இயக்கத்தில் ரஜினி நடிப்பதாக இருந்த ‘ராணா' படத்தின் ஷூட்டிங் தேதி குறிப்பிடாமல் தள்ளிவைக்கப்பட்டுள்ளது. இந்நிலையில் இந்தி படம் ஒன்றை இயக்க ரவிகுமார் திட்டமிட்டுள்ளது குறிப்பிடத்தக்கது.

நத்தார் தினத்தில் மகிழ்வுடன் இருக்க...."குடும்பத்தவர்களுக்கு மட்டும் "

Super Star கடந்து வந்த பாதை...

இலவசமாக SWEDAN சென்று வர தொடர்பு கொள்ளுங்கள் : (+94) 071 452 8054

http://www.adicsrilanka.org/Digital_stories_2011_Home.html

Super Star கடந்து வந்த பாதை...

இன்று தனது 62ஆவது பிறந்த நாளைக் கொண்டாடும் சுப்பர் ஸ்டாருக்கு ஏகப்பட்ட வாழ்த்துக்கள் குவிந்த வண்ணமுள்ளன. 

தமிழ் சினிமாவில் தனி முத்திரை பதித்து இன்று தமிழகத்தின் சுப்பர் ஸ்டாராகத் திகழும் ரஜினி கடந்து வந்த பாதை மிகவும் கடினமானது. தனது பாதையில் இருந்த தடைகள் அனைத்தையும் வெற்றிப்படிக்கட்டுக்களா மாற்றி இன்று இந்த உயரிய நிலையை அடைந்திருக்கிறார்.

அவர் கடந்து வந்த பாதை...

தற்போது சுப்பர் ஸ்டார் ரஜினி காந்த் என தமிழ் நாடே தூக்கி வைத்துக் கொண்டாடும் ரஜினி காந்த்தின் இயற்பெயர் சிவாஜி ராவ் கைக்வாட். சினிமாவிற்காக கே. பாலச்சந்தராலேயே ரஜினி காந்த் என பெயர் மாற்றம் பெற்றார். அதிலிருந்து ரஜினியின் வாழ்க்கையும் மாற்றம் பெற்றது. ராமோசி ராவ் காயக்வாடுக்கும் ரமாபாய்க்கும் நான்காவது குழந்தையாக டிசம்பர் 12 1949 அன்று இந்தியாவின் கர்நாடகத்தில் பிறந்தார்.

பெங்களூரில் உள்ள ஆசாரிய பாடசாலை மற்றும் விவேகானந்த பாலக சங்கம் ஆகிய பாடசாலைகளில் கல்வி கற்றார். படித்து முடித்ததன் பின்னர் பெங்களூரிலேயே பேருந்து நடத்துனராக வேலை பார்த்துக்கொண்டு மேடை நாடகங்களிலும் நடித்து வந்தார். பின்னர் திரைப்படங்களில் நடிக்கும் ஆர்வத்துடன் தமிழகத்தின் சென்னைக்கு சிவாஜி ராவாக வந்து சேர்ந்தார். திரைப்படக்கல்லூரியில் முறையாக நடிப்புப் பயின்றார்.

இந்நிலையில் பாலச்சந்தரின் ஆபூர்வ ராகங்கள் திரைப்படத்தில் ஒரு சிறிய வேடத்தில் தோன்றினார். இதில் கதவொன்றினைத் திறந்தபடி அறிமுகமானார் ரஜினி. அன்று, தான் திறந்தது திரையுலகின் கதவை என்று பின்னாளில் திரையுலகிற்கு உணர்த்தினார். அறிமுகப் படத்தினைத் தொடர்ந்து சில படங்களில் வில்லனாக தனது நடிப்பாற்றலை வெளிப்படுத்தினார். முதன் முதலாக புவனா ஒரு கேள்விக்குறி படத்தின் மூலம் நாயகனாக அறிமுகமாகி முள்ளும் மலரும், ஆறிலிருந்து அறுபது வரை போன்ற படங்கள் மூலம் தன்னை நாயகனாக நிலைநிறுத்திக்கொண்டார் ரஜினி.

பின் நாட்களில் பில்லா, போக்கிரி ராஜா, முரட்டுக்காளை, தில்லு முல்லு என தொடர்ந்து பல படங்கள் தொடராக வெற்றி பெற நட்சத்திர அந்தஸ்துள்ள நாயகனாக தன்னை உயர்த்திக் கொண்டார். இக்காலப்பகுதியில், 16.02.1981 அன்று லதாவுடன் திருமண பந்தத்தில் இணைந்தார். ஐஸ்வர்யா, சௌந்தர்யா என இரு பெண் குழந்தைகளுக்கு தந்தை ஆனார்.

தனது மகள்கள் இருவருக்கும் தற்போது திருமணம் முடித்து வைத்து தகப்பன் என்ற தனது பாத்திரத்தின் நிறைவையும் கண்டுள்ளார். ஆன்மிகத்தில் பெரும் ஈடுபாடு கொண்ட ரஜினி காந்த அதனை வெளிப்படுத்தும் வண்ணம் தனது 100 ஆவது படமாக ஸ்ரீ ராகவேந்திரா படத்திலும் 2002ஆம் ஆண்டும் பாபா படத்திலும் விரும்பி நடித்திருந்தார்.

மேலும், ஒவ்வொரு படமும் முடிந்த பிறகு பாத யாத்திரையாகவே ஸ்ரீ ராகவேந்திரா கோயிலுக்கு செல்வதை வழக்கமாகக் கொண்டுள்ளார். தொடர்ந்து வேலைக்காரன், மனிதன், தர்மத்தின் தலைவன் போன்ற ஜனரஞ்சகமான திரைப்படங்கள் மூலம் ஆறிலிருந்து 60 வயது வரையான அனைத்து ரசிகர்களை தனது நடிப்பு மற்றும் ஸ்டைலினால் தன் பக்கம் சாய்த்துக்கொண்டார்.

1990ஆம் ஆண்டுக்கு பின்னரான காலப்பகுதியில் வெளியான அண்ணாமலை, பாட்ஷா, அருணாச்சலம், முத்து, படையப்பா என வரிசையாக அனைத்துப் படங்களும் பெரும் வசூலுடன் பெரும் சாதனைகள் படைத்தன. 1990ஆம் ஆண்டுக்கு பிறகு தன்னை ஒரு முழு நடிகனாகவும் அதே நேரத்ததில் தமிழ் சினிமாவின் வசூல் சக்கரவர்த்தியாகவும் பல்வேறு சாதனைகளை சினிமாவில் நிகழ்திக்காட்டினார். நடிகராக மட்டுமன்றி தயாரிப்பாளர், திரைக்கதாசிரியராகவும் சினிமாவில் தன் பன்முகத்தைக் காட்டியுள்ளார்.

தற்போது இவருக்கு தமிழகத்தில் மட்டுமன்றி வெளிநாடுகளிலும் பல நூறு ரசிகர் மன்றங்களை தோற்றுவிக்குமளவிற்கு இவரது இடம் சினிமாவில் மிகப்பெரியது. குறிப்பாக ஜப்பானில்கூட இவருக்கு ரசிகர் மன்றம் உள்ளது. ஆசியாவிலே ஜெக்கிச்சானுக்கு அடுத்தபடியாக அதிக ரசிகர்களைக் கொண்டவராக ரஜினியே கருதப்படுகிறார்.

தமிழ் சினிமாவின் வியாபாரம் இந்தியா தாண்டி பெரியளவில் வருமானம் பெற இவர் ஒரு முக்கிய காரணமாவார். மேலும், ரஜினி தமிழக அரசியலிலும் அவ்வப்போது பெரும் தாக்கம் செலுத்தினார். இவரது படங்களிலும் அரசியல் வாடை சற்று தூக்கலாகவே இருக்கும். இதனாலே இவர் அரசியலுக்கு வருவார் என பலரும் ஆருடம் கூறிவருகின்றனர்.

ஆனால் ரஜினியின் பதில் இன்று வரை வருவேன் ஆனா வரமாட்டேன் என்ற பாணியிலே அமைந்துள்ளது. இதுவரை தமிழ் மொழியிலும், தெலுங்கு, இந்தி, கன்னடம், மலையாளம், வங்காள மொழி ஆகிய மொழிகளிலும் 170 திரைப்படங்களில் நடித்துள்ளார். பிலிம் பெயார், தமிழக அரசு விருது, கலை மாமணி, பத்ம ஸ்ரீ என பல விருதுகளையும் பெற்றுள்ளார்.

சாதாரணமாக தனது வாழ்க்கையை ஒரு பேருந்து இயக்குநராக ஆரம்பித்து இன்று சுப்பர் ஸ்டாராக உயர்ந்த இவரது வளர்ச்சி பலரையும் கவர்ந்து பலர் தங்களது ரோல் மொடலாக இவரை கொள்ள வழிசெய்தது. இதில் இன்றைய தலைமுறை நடிகர்கள் ஏராளமாக உள்ளனர். குறிப்பாக தற்போதைய முன்னணி நடிகர்களான அஜித், விஜய் இருவரும் சுப்பர் ஸ்டாரையே ரோல் மொடலாகக் கொண்டுள்ளனர்.

வெற்றி தலைக்கேறாமல் இருக்கும் அரிய வகை மனிதர்களில் இவரும் ஒருவர் என்பதை இன்று வரை நிரூபித்து வருகிறார். தான் இந்நிலைக்கு வர பெரிதும் உதவிய கே. பாலச்சந்தர் மற்றும் ரஜினியின் நெருங்கிய நண்பரான உலக நாயகன் கமல்ஹாசன் போன்ற பலருக்கும் இந்நாள் வரை நன்றி கூறி வருகிறார்.

அரசியலுக்குள் நுழையாவிட்டாலும் பலருக்கு அறக்கட்டளைகள் மூலம் விளம்பரம் இன்றி பல உதவிகளை செய்து சினிமா கடந்து நல்ல மனிதராகவும் மக்கள் மனதில் இடம்பிடித்துள்ளார். இவ்வாறு தனக்கென தனி வழியமைத்து திரையுலக ஜாம்பவானாகத் திகழும் சுப்பர் ஸ்டார் ரஜினி காந்த் இன்று தனது 62 ஆவது பிறந்த நாளைக் கொண்டாடுகிறார்.

இன்று போல் என்றும் பல்லாண்டு காலம் நோய் நொடியின்றி வாழ நாமும் சுப்பர் ஸ்டாரை வாழ்த்துவோம்.

அழகான பெண்கள் அண்ணா என்றால் யாருக்குத்தான் பிடிக்கும்

எனக்கு இரண்டு தங்கச்சிங்க இருக்காங்க. அது போதும், இனியும் யாரும் என்னை அண்ணா என்று கூப்பிட வேண்டாம் என்று எரிச்சலுடன் கூறுகிறாராம் சல்மான் கான். 

பாலிவுட் நடிகர் சல்மான் கான் வரும் டிசம்பர் மாதம் 27ம் தேதி தனது 46வது பிறந்தநாளைக் கொண்டாடவிருக்கிறார். அவரை ரசிகர்கள், நண்பர்கள், திரையுலகினர் என பலரும் அன்புடன் அண்ணா என்றே அழைக்கின்றனர். இதைப் பார்த்த கதாநாயகிகளும் சேஃபாக சல்மான் அண்ணா என்று அழைக்க ஆரம்பித்துள்ளனர்.

இன்னும் திருமணம் ஆகாத தன்னை நடிகைகள் வாய் நிறைய அண்ணா என்று அழைப்பது சல்மானுக்கு எரிச்சலூட்டுகிறது. 

அண்மையில் துபாயில் நடந்த நிகழ்ச்சி ஒன்றில் சல்மான் கான் கலந்து கொண்டார். அந்த நிகழ்ச்சியில் கலந்து கொண்ட தென்னிந்திய நடிகை ஒருவர் சல்மானை அண்ணா என்று அழைத்துள்ளார். அவ்வளவு தான் போங்க, சல்மானுக்கு கோபம் வந்துவிட்டது.

எனக்கு ஏற்கனவே 2 சகோதரிகள் உள்ளனர். அதுவே போதும். இனி அண்ணா என்று அழைக்காதீர்கள். சல்மான் என்று கூப்பிட்டால் போதும் என்று பொரிந்து தள்ளியுள்ளார்.

சல்மான் கானை அவரைவிட பெரியவரான பாலிவுட் நடிகர் சுனில் ஷெட்டியும் அண்ணா என்று அழைத்தவுடன் அவருக்கு ஆத்திரம் தாங்கமுடியவில்லை. இது என்னடா என்னைய விட வயதில் மூத்தவரெல்லாம் அண்ணா என்கிறார் என்று நொந்துவிட்டார். குசும்பு இணையம்.

நான் உங்க திருமணத்திற்கு வந்தபோது எனக்கு 10வயது தான். அப்படி இருக்கையில் நீங்கள் ஏன் என்னை அண்ணா என்கிறீர்கள் என்று சுனிலிடம் கேட்டுள்ளார் சல்லு. 


இலவசமாக SWEDAN சென்று வர தொடர்பு கொள்ளுங்கள் : 071 452 8054
http://www.adicsrilanka.org/Digital_stories_2011_Home.html